Norentzat dira gure zerbitzuak?: Artisauentzat, Erakundeetarako eta gainerako jendearentzat.
Eskuekin elkarteak eskaintzen dituen zerbitzuetako batzuk artisauentzat dira soilik. Nork bere burua artisautzat aurkeztu ahal izateko derrigorrezkoa da Erakunde honen Artisauen Erregistroan inskribaturik egotea.
Dokumentazio Zentroa    Zerbitzuak

DOKUMENTAZIO ZENTROA

Zentroan artisautzarekin zerikusia duen material guztia katalogatzen da: azoka edo erakusketei buruzko kartelak, azoka eta artisauen katalogoak, prentsako berriak, bideoak, liburuak, argazkiak, Foru Dekretu eta Arauak, Artisauen Erregistro Ofizialak, sektoreko aldizkariak, etab.

Eskuekin elkartearekin lankidetzan jardun nahi baduzu, jar zaitez gurekin harremanetan.

(*) Dokumentazio Zentro honek gaur egun dituen fondo guztiak ARBASO Euskal Herriko Artisautza Tradizionalaren Sustapenerako Elkarteak emanak dira.

 
Liburutegia
Zentroan bertan kontsulta daitekeen liburutegi txiki bat badugu, baina ezin da bertatik kanporako mailegurik egin.
 
Hemeroteka
Euskal Herriko artisautzari buruzko prentsa-artikulu ugari ditugu. Gure hemerotekan, artisautzari buruz egunez egun prentsa idatzian agertzen dena jarraitu ahal izango duzu.
 
Fototeka
Eskuekin elkarteak, gaur egun, 7.000tik gora argazki hartzen dituen artxibategia du. Material hori jendearen eskura dago eta komunikabideek prentsa-artikuluetako dokumentu grafiko gisa erabili nahi badute, eskatu besterik ez dute. Hautatutako argazkiak euskarri digitalean emango dira. Eskuekin elkarteak bereak ditu mailegatutako argazki guztien gaineko eskubideak, eta beti agertu beharko du, argazkien jatorri gisa, ondoko esaldi honek: Eskuekin Fototeka.
 
Bideoak
Tradiziozko lanbideei buruz EITBk egin eta emandako bideo-bilduma txikia dugu.
 
Katalogoak
Zentroak Euskal Herrian egindako artisautza azokei buruzko katalogoen bilduma garrantzitsua du.
 
Kartelak
Azokei buruzko kartel-bilduma handia dugu, horietariko asko antolatzaileek beraiek emanak, eta askorekin azoka bera gainditu, eta beste era bateko hedapena egiten ari gara, esaterako, Tolosako Artisautza Azokaren 10. edizioa dela eta egindako egutegia, bertan, azokak duen hamarkadako iragarki-kartelak jaso dira.

ARTISAUTZA ARLOKO AHOLKULARITZA ZERBITZUA

  • Artisautza Sektorearen Lege eta Araudiari buruzko informazioa eta aholkularitza.
  • Artisautza-tailerrak sortzeko informazioa eta aholkularitza.
  • Erakundeetako Laguntzak lortzeko informazioa eta aholkularitza.
  • Kudeaketa eta laguntzak.
  • Formazioari buruzko aholkularitza eta kudeaketa.
  • Sustapenari buruzko informazioa, aholkularitza eta kudeaketa:
    • Katalogoak diseinatu eta egitea.
    • Web orriak diseinatu eta egin eta e-mailak kudeatzea.
    • Enpresa-irudia diseinatu eta egitea.
    • Azoken antolakuntza.